ရိုစီ၏မွေးနေ့ပွဲသည် မေ့မရနိုင်ခဲ့သော နေ့တစ်နေ့ဖြစ်ခဲ့သည်။ အစားအသောက်က အရသာရှိသည်။ စားပွဲဝိုင်းက ရယ်မောသံများနှင့်စီနေပြီး၊ သူမ၏ပထမဆုံးမြေးလေးပါ ရှိနေခြင်းက ပို၍ကြည်နူးစရာဖြစ်သည်။ သို့သော် ဤကောင်းသောအရာများက သားနှစ်ယောက်၏ဂုဏ်ပြုမှုကို မယှဥ်နိုင်ပါ။ ရိုစီ၏ အိမ်ထောင်ရေးမှာ မတည်မြဲခဲ့သော်လည်း၊ တစ်ခုလပ်မိခင်တစ်ဦးအနေဖြင့် သူမ၏ထူးခြားသောစွမ်းရည်များသည် သားနှစ်ယောက်အပေါ် သက်ရောက်မှုကို ဖြစ်စေခဲ့သည်။ သူတို့၏ချီးကျူးဂုဏ်ပြုမှုများသည် သူတို့၏လိုအပ်ချက်များကို ဖြည့်ဆည်းပေးရန် သူမအတတ်နိုင်ဆုံး လုပ်ဆောင်ပေးခဲ့မှုကို ထင်ဟပ်ပြနေသည်။ “အမေက ဘုရားသခင်ကို ကြောက်ရွံ့တဲ့ အမျိုးသမီးဖြစ်တယ်”ဟူသည့် သားငယ်၏မှတ်ချက်က သားများရှေ့တွင် ပေါ်လွင်နေသည့် ရိုစီ၏အနေအထားကို အကောင်းဆုံးဖော်ကျူးနေသည်။
သုတ္တံကျမ်း ၃၁:၁၀-၃၁ တွင် အိမ်ထောင်၌ ထာဝရဘုရားကို ကြောက်ရွံ့သောအသိဉာဏ်ပညာသည် မည်သို့မည်ပုံဖြစ်သည်ကို ကျမ်းစာဖတ်သူများ တွေ့နိုင်သည်။ နှိမ့်ချလျက် ဘုရားသခင်ကို ရိုသေခြင်းဟူသည့် ထာဝရဘုရားကို ကြောက်ရွံ့ခြင်းသဘောသည် (:၃၀)၊ လူတစ်ဦးကို ယုံကြည်ထိုက်သူဖြစ်ရန် (:၁၁-၁၂)၊ အလုပ်ကြိုးစားပြီး ငွေကြေးကို အလေအလွင့်မဖြစ်စေဘဲ ကောင်းစွာစီမံသူဖြစ်ရန် (:၁၃-၁၉)တွန်းအားပေးသည်။…
၁၉၇၃ ခုနှစ် ဇန်နဝါရီလ ၁၄ ရက်၊ ၇ ကြိမ်မြောက် အမေရိကန်ဘောလုံးပြိုင်ပွဲ (Super Bowl VII)ဗိုလ်လုပွဲတွင် မိုင်ယာမီလင်းပိုင် (Miami Dolphins)အသင်းက အသာစီးရနေပြီး၊ ဘောလုံးရာသီတစ်လျှောက် ရှုံးပွဲမရှိ ၁၆ ပွဲဆက်တိုက်စံချိန်တင်ကာ အနိုင်ရနေသည်။ ပြိုင်ပွဲပြီးသွားသောအခါ၊ အောင်ပွဲရ လင်းပိုင်အသင်းသည် အားကစားသမိုင်းတွင် ပြီးပြည့်စုံသည့်စံချိန်နှင့် တစ်ခုတည်းသော ကျွမ်းကျင်ဘောလုံးအသင်းတစ်သင်းအဖြစ် မှတ်တမ်းဝင်သွားမည်ဖြစ်သည်။
အောင်ပွဲခံခြင်း။ ၎င်းသည် သခင်ယေရှုနှင့်ကိုက်ညီသော သတ်မှတ်ချက် တစ်ခုဖြစ်သည်။ သခင်ယေရှု၏အမှုတော်ကို သေချာလေ့လာကြည့်ပါက အောင်ပွဲတစ်ခုပြီးတစ်ခုကို မြင်တွေ့ရပါမည်။ ရှင်မဿဲ၏ ဂါလိလဲပြည်၌ ခရစ်တော်၏အမှုတော်မှတ်တမ်းတွင်(မ ၄:၂၃ - ၉:၃၈)၊ အစအဆုံးအကျဉ်းချုပ်ဖော်ပြချက်များပါရှိသည်။ “ယေရှုသည် တရားစရပ်တို့၌ ဆုံးမဩဝါဒပေးလျက်၊ နိုင်ငံတော်နှင့်ယှဉ်သော ဧဝံဂေလိတရားကိုဟောလျက်၊ လူတို့တွင် အနာရောဂါ အမျိုးမျိုးတို့ကိုငြိမ်းစေလျက်၊ ဂါလိလဲပြည်တစ်ပြည်လုံးကို ဒေသစာရီ လှည့်လည်တော်မူ၏”(မ ၄:၂၃၊ ၉:၃၅ ကိုရှု)။ သခင်ယေရှုသည် နတ်ဆိုး၊ ရောဂါနှင့်သေခြင်းတို့ကို…
အမေရိကန်ဘောလုံးတိုက်စစ်မှုး စီဂျေစထရောက်ဒ် (C.J. Stroud) သည် ငယ်ရွယ်ပြီး စွမ်းရည်ရှိသည်။ သခင်ယေရှုကို မရှက်မကြောက် ယုံကြည်သူဖြစ်သည်။ ပျမ်းမျှ အသက်မွေးဝမ်းကြောင်းပြုနိုင်ခြေသက်တမ်း ၃.၃နှစ်သာ ရှိသည့် ကျွမ်းကျင် အားကစားသမားဘဝတွင် စထရောက်ဒ်က “ဘောလုံးကစားရာမှာ အကွေ့အကောက် အလှည့်အပြောင်းတွေ အများကြီး ရှိတယ်။ ဒါပေမယ့် အဆုံးမှာတော့ ခံယူချက် အခြေခံအုတ်မြစ်က အဓိကပါပဲ။ ပြီးတော့ ကျွန်တော့်ရဲ့အခြေခံအုတ်မြစ်ကို သတ်မှတ်ပေးတဲ့အရာက ကျွန်တော့်ရဲ့ယုံကြည်ခြင်းပဲ”ဟု သူ၏ယုံကြည်ခြင်း မည်သည့်နေရာ၌ တည်သည်ကို အရှိအတိုင်း ပြောဆိုခဲ့သည်။
ဘောလုံး (သို့) အခြားမည်သည့်အသက်မွေးဝမ်းကြောင်းမှုဖြစ်စေ ၎င်းသည် အတက်အကျ၊ အလှည့်အပြောင်းများရှိသည့် တစ်ခုတည်းသော အသက်တာကဏ္ဍ မဟုတ်ပါ။ မဿဲ ၇:၂၄-၂၇ ပါ သခင်ယေရှု၏ပုံဥပမာတွင် အိမ်နှစ်လုံးသည် မိုးရွာခြင်း၊ ရေကြီးခြင်းနှင့် လေတိုက်ခြင်းဒဏ်ကို အတူခံခဲ့ရသည်။ သို့သော် အိမ်တစ်လုံးသာ မုန်တိုင်းဒဏ်မှလွတ်မြောက်ခဲ့ခြင်းမှာ “ကျောက်ပေါ်မှာ တည်သော ကြောင့် မပြိုမလဲနေ၏”(:၂၅)။…
ရေးပရစ်ချတ်(Ray Pritchard)၏ Man of Honor စာအုပ်တွင်၊ သူသည် သင်္ချိုင်းတစ်ခုကိုဖြတ်လျှောက်ရင်း တွေ့ခဲ့သည့် လူတစ်ဦး၏အုတ်ဂူမှ စကားလုံးများစွာဖြင့် ရေးထိုးသည့်ဂုဏ်ပြုစာသားအကြောင်းကို ပြောပြပြီး၊ ထို့နောက် ၎င်းနှင့်ကပ်ရက် ထိုသူ၏သားဖြစ်သူအုတ်ဂူ၌ အမြင်အာရုံကိုဖမ်းစားသည့် “သံသယမရှိလောက်အောင် ရိုးသားသူ” ဟူသောစာသားကို ဖော်ပြထားသည်။ ပရစ်ချတ်က “ဘဝတစ်ခုလုံးကို လိုတိုရှင်းစကားလုံးဖြင့် အနှစ်ချုပ်ထားသည်။ အသက် ၆၀ ကျော် ဖြတ်သန်းခဲ့သောဘဝကို ဤစကားမျှနှင့် ဖော်ပြထားသည်။ ထိုစကားလုံးများကပြောသော အမှန်တရားပေ”ဟု ရေးသားခဲ့သည်။
ဆာလံကျမ်း ၁၅:၁ တွင်၊ “အို ထာဝရဘုရား၊ ကိုယ်တော်၏တဲတော်၌ မည်သူနေထိုင်ရပါမည်နည်း။ ကိုယ်တော်၏သန့်ရှင်းသောတောင်တော်ပေါ်၌ မည်သူနေထိုင်ရပါမည်နည်း”ဟု မေးထားသည့်မေးခွန်းကို တွေ့ရသည် (:၁-စံမီ)။ “အပြစ်တင်စရာမရှိအောင် အသက်ရှင်လျှောက်လှမ်းသောသူ၊ ဖြောင့်မတ်စွာပြုကျင့်သောသူ၊ မိမိစိတ်နှလုံးမှသစ္စာစကားကို ပြောဆိုသောသူ”(:၂-စံမီ)ဟူသည့် အဖြေတွင် ဖြောင့်မတ်တည်ကြည်ခြင်း သဘောပါဝင်ပြီး အပြစ်တင်စရာမရှိ ဟူသည့်စကားလုံးဖြင့် ချုပ်ထားသည်။ အခန်းငယ် ၁ နှင့်…
“ဒီနေ့[ဘုရားကျောင်း]မှာ ကျွန်တော် ဧည့်ကြိုလုပ်စဥ် လူငယ်တစ်ယောက် ကလေးချီလို့၊ ကျွန်တော့်ဆီလာပြီး ကျွန်တော့်ကို လာဖက်တယ်။ သူ့ကို ခဏငေးကြည့်ရင်း မှတ်မိသွားပြီး ‘ဂျလန်း’လို့ ခေါ်လိုက်တယ်။ ကျွန်တော်တို့နှုတ်ဆက်ပြီး ခဏလေးစကားပြောခဲ့တယ်။ ရည်မွန်လိမ္မာလှတဲ့ လူငယ်လေး”ဟူ၍ သားဖြစ်သူ ဂျလန်းနှင့်ပတ်သက်သည့် မက်ဆေ့ချ်ကို လူမှုကွန်ရက်မီဒီယာမှ ရရှိသောအခါ အန်နီတာဘာလီ၏နှလုံးသား နွေးထွေးသွားသည်။ ထိုဧည့်ကြိုမှာ မိုက်မဲသောရွေးချယ်မှုများ၏ အကျိုးဆက်အဖြစ် ထောင် ၁၂နှစ် ကျခဲ့သော သူတို့၏သားကို ကယ်တင်ရန် အန်နီတာနှင့် သူမ၏ခင်ပွန်း အိဒ်တို့ ဘာမှမတတ်နိုင်သည့်အချိန်၊ သားဆိုးမိုက်ခဲ့ချိန်ကတည်းကပင် ဂျလန်းကို သိကျွမ်းခဲ့သူဖြစ်သည်။
မိဘများသည် အစွမ်းမရှိသကဲ့သို့ ခံစားရသော်လည်း ဆုတောင်းမပြတ်ခဲ့ပေ။ ၆ ရာ ၂၀ တွင် ဘုရင်ယောရှဖတ်လည်း ထို့အတူပင် အစွမ်းမဲ့ခဲ့သည်။ ရန်သူတပ်များ၏ နှောင့်ယှက်မှုကိုခံရသောအခါ သူသည် ဆုတောင်းရန် စည်းဝေးလျက်(:၁-၄)၊ “အို အကျွန်ုပ်တို့ဘုရားသခင်၊ သူတို့ကို မစီရင်ဘဲနေတော်မူမည်လော။ အကျွန်ုပ်တို့ကို…
ဂျွန်စထရော့ပ်၏ From the Pit to the Pulpit စာအုပ်တွင် သူက သူ့အား ရုပ်ပိုင်း၊ ကာမဂုဏ်ဆက်ဆံမှုပိုင်း၊ စိတ်ပိုင်းတို့တွင် ထုထောင်းဖိစီးနှိပ်စက်သည့် အားကြီးသော သူမသိကျွမ်းသော ဘဝ၏ဖိစီးမှုများအကြောင်းကို ဖော်ပြထားသည်။ “ကားမမောင်းတတ်ခင်ကတည်းက ကျွန်တော်မူးယစ်ဆေးဝါးကို စသုံးခဲ့တယ်။... ကျောင်းလည်း ထွက်လိုက်ပြီး ဒုစရိုက်ပြုလို့ ရာဇဝတ်သားဘဝမှာ ကျင်လည်ခဲ့တယ်”ဟု သူက ရေးသားခဲ့သည်။ နောက်ဆုံးတွင် သူကျူးလွန်သည့်ပြစ်မှုများကြောင့် ထောင်နန်းစံခဲ့ရသည်။ ထောင်ဒဏ် ၅ နှစ် စီရင်ချက်ကျစဥ်အတွင်း သူ့အသက်တာ၌ သမ္မာကျမ်းစာသက်ဝင်လာပြီး ဘုရားရှင်ရှေ့တော်၌ သူနှိမ့်ချခဲ့သည်။ ဘုရားသခင်၏ ကျေးဇူးတော်အားဖြင့် သူ့ထက်အားကြီးသည့် အတိတ်၏ အကျင့်ဆိုးများမှ သူလွတ်မြောက်ခဲ့သည်။
ရှေးခေတ်ဣသရေလလူမျိုးတို့သည် ဖိနှိပ်မှုနှင့် ရံဖန်ရံခါ “သူ့ထက် အားကြီးသူ”(ယေ ၃၁:၁၁)များ၏ဖမ်းဆီးကျွန်ပြုခေါ်ဆောင်ခြင်းများကို ကြုံတွေ့ခံစားခဲ့ရသည်။ ထိုသို့ကြုံတွေ့ခံစားရခြင်းသည် ၎င်းတို့၏မိုက်မဲမှုကြောင့် ဖြစ်လင့် ကစား နာခံမှုမရှိ၊ လမ်းလွဲသွားသည့်သူ့လူတို့အပေါ် ဘုရားသခင်သည် သူ၏…
၁၉၅၀ နှင့် ၆၀ ခုနှစ်ဖွား ကလေးတစ်ဦးအနေနှင့်၊ ကျွန်တော်သည် “အမေရိကန်၏ ဝါသနာ” ဟုခေါ်သော ဘေ့စ်ဘောခေတ်တွင် ကြီးပြင်းခဲ့သည်။ ပန်းခြံသို့သွားပြီး ဘေ့စ်ဘော ကစားရန်အရေး ကျွန်တော် စောင့်မနေနိုင်။ ကျွန်တော်တို့အသင်း၏ အမည် “GIANTS”ကို ရေးထိုးထားသည့် ဘေ့စ်ဘောဂျာစီအင်္ကျီကို ရရှိခဲ့ခြင်းက ကျွန်တော် အလွန်စိတ်လှုပ်ရှားပြီးပီတိဖြစ်ရသည့်အရာဖြစ်သည်။ ကျောနံပါတ် ၉ က ကျွန်တော့်ကို အခြားသူနှင့် ကွဲပြားစေသော်လည်း၊ တူညီသောအသင်းဝင်တစ်ဦးဖြစ်ကြောင်းပြနေသည့် ယူနီဖောင်းက ကျွန်တော်တို့ကို စည်းလုံးစေပါသည်။
မဿဲ ၅:၃-၁၀ မှ မင်္ဂလာတရားတော်တွင် သခင်ယေရှုက ကောင်းကင်နိုင်ငံတော်နှင့်ဆိုင်သောသူများကို “ခရစ်တော်၏လက္ခဏာကို ဝတ်ဆင်သူများ” အဖြစ် ဖော်ပြထားသည်။ ကောင်းကင်နိုင်ငံတော်သည် ၎င်းတို့၏ဘုရင်နှင့်တူသည့် လက္ခဏာနှင့် သဘောထားကို ဆောင်ယူသူများဖြင့် ဖွဲ့စည်းထားသည်။ သခင်ယေရှု၏အဆိုအရ၊ “မင်္ဂလာရှိသော”သူများကို အပြင်ပန်း ပုံသဏ္ဌာန်၊ ကျန်းမာရေး၊ သို့မဟုတ် ဥစ္စာဓနတို့ဖြင့် မသတ်မှတ်ပါ။ ထိုအရာများထက် လူတစ်ဦး၏…
ကျွန်တော်၏သူငယ်ချင်း Lou(လူး)သည် သူ၏ခွန်အားအစွမ်းထက် ဉာဏ်ပညာနှင့်ခွန်အား ပိုမိုလိုအပ်သော အခြေအနေနှင့် ရင်ဆိုင်ခဲ့ရသောအခါ၊ ခရစ်တော်ထံ ကျိုးပဲ့သောနှလုံးသားဖြင့် သူအော်ဟစ်ဆုတောင်းသည့် အတွေ့အကြုံ ဝေမျှချက်ကို မကြားရခင်အထိ “သခင်ယေရှု၊ ကျွန်ုပ်အတွက် ကိုယ်တော် ဘယ်လိုဆုတောင်းပေးသလဲ”ဟူသည့် မေးခွန်းကိုမေးရန် ကျွန်တော်မတွေးခဲ့မိပေ။ သူ၏ဆုတောင်းခြင်းတွင် မှတ်သားဖွယ် ထိုမေးခွန်းကို ကြားရသောအခါ ဆုတောင်းခြင်းနှင့်ပတ်သက်သည့် ကျွန်တော်၏နားလည်မှုနှင့် ဆုတောင်းခြင်းအလေ့အကျင့်သို့ ပုံစံသစ်တစ်ခု ထပ်ထည့်ရန် အထောက်အကူဖြစ်စေပါသည်။
ရှင်လုကာခရစ်ဝင် ၂၂ တွင်၊ သခင်ယေရှု၏ “ရှိမုန်၊ ရှိမုန်၊ ဂျုံဆန်ကို ဆန်ခါနှင့်ချသကဲ့သို့ စာတန်သည် သင်တို့ကို ချရမည်အကြောင်း အခွင့်တောင်း သည်ဖြစ်၍၊ သင်၏ယုံကြည်သောစိတ် မပျက်စေခြင်းငှာ၊ ငါသည် သင့်အဖို့ ဆုတောင်းလေပြီ”(:၃၁-၃၂)ဟု မိန့်တော်မူချက်တွင် ရှိမုန်ပေတရုအတွက် သခင်၏ဆုတောင်းချက်မှာ မည်သည့်လျှို့ဝှက်ချက်မရှိပေ။ ပေတရုသည် စစ်ကြောမှုနှင့် ရင်ဆိုင်ရသည့်အခါ၊ သူ၏ယုံကြည်ခြင်းသည် တုန်လှုပ်သွားခဲ့သော်လည်း ခရစ်တော်၏ ကျေးဇူးတော်ကြောင့် မကျရှုံးခဲ့ပေ။
စိတ်အားကြီးသော်လည်း…
၂၀၂၄ ခုနှစ်တွင် သန်းကြွယ်သူဌေး စီးပွားရေးပညာရှင် ရောဘတ်ဟေးလ်ဂျူနီယာ (Robert Hale Jr.)သည် တက္ကသိုလ်ဘွဲ့ရမောင်မယ် ၁၂၀၀ တို့အား “ဒီလိုကြိုးစားခဲ့တဲ့အချိန်တွေက လူတွေကို ဝေမျှဖို့ ၊ ဂရုစိုက်ဖို့၊ ပေးကမ်းဖို့ လိုအပ်ကြောင်း ပိုပြီးထင်ရှားစေတယ်။ (ကျွန်တော်တို့ဇနီးမောင်နှံ)က မောင်တို့မယ်တို့ကို လက်ဆောင် နှစ်ခုပေးချင်တယ်။ ပထမတစ်ခုက ငွေသားလက်ဆောင်ဖြစ်ပြီး၊ ဒုတိယလက်ဆောင်က ပေးကမ်းခြင်းဆုပါပဲ”ဟု မိန့်ခွန်းပြောခဲ့သည်။ ထို့နောက် ဘာမှမမျှော်လင့်ထားသော ဘွဲ့ရမောင်မယ်များအား စာအိတ်နှစ်အိတ်စီ လက်ဆောင်ပေးရာ၊ ပထမလက်ဆောင်မှာ သူတို့အတွက် ဒေါ်လာငါးရာဖြစ်ပြီး၊ ဒုတိယစာအိတ်မှာ လိုအပ်သူများကိုပေးရန် ဒေါ်လာငါးရာ ဖြစ်သည်။
သူ၏ချမ်းသာကြွယ်ဝမှုကြောင့် ရောဘတ်ဟေးလ်သည် ဤကဲ့သို့ တစ်ကြိမ်မက မျှဝေပေးကမ်းနိုင်ခြင်း ဖြစ်သော်လည်း သဒ္ဓါကြည်ညိုစိတ်ဆိုသည်မှာ ချမ်းသာမှ ပေးရကမ်းရသည် မဟုတ်ပါ။ ရှေးခေတ် မာကေဒေါနိပြည်ရှိ သခင်ယေရှုကို ယုံကြည်သူများသည် ယေရုရှလင်မြို့ရှိ ယုံကြည်သူများ၏လိုအပ်မှုကို ဖြည့်ဆည်းပေးရန် ဆင်းရဲလျက်နှင့် ပေးလှူခဲ့ကြသည်။ မာကေဒေါနိ ပြည်သားများသည်…
အမှုတော်မြတ်လုပ်ငန်းတွင် လုပ်ကိုင်နေသူများ ပြန်လည်အားပြည့်လန်းဆန်းစေရန်နှင့် ခွန်အားယူရန်အတွက် ပုဂ္ဂိုလ်တစ်ဦးမှ တန်ဖိုးကြီးစွာပေးဝယ်ထားသော အားသစ်လောင်းစင်တာသို့ ရောက်ရှိသွားသော ကျွန်တော်တို့ အဖွဲ့သားများထံမှ “ဝါး”ဆိုသော တုန့်ပြန်မှုကို ကြားခဲ့ရပါသည်။ နှစ်ထပ်ကုတင်များ၊ ကုတင်ကျယ်ကြီး များပါသည့် အိပ်ခန်းအစုံများကို မြင်တွေ့ရသောကြောင့် အားလုံးအံ့အားသင့်ခဲ့ရသည်။ သပ်ရပ်စွာ တပ်ဆင်ထားသော မီးဖိုချောင်နှင့် ထမင်းစားခန်းသည် မျက်စိအပြူးသားနှင့် ကြည်နူးမှုကို ဖြစ်ပေါ်စေသည်။ အားလုံးကိုမြင်ခဲ့ပြီဟု တွေးလိုက်ချိန်မှာပင်၊ မိုးလုံလေလုံဘက်စကက်ဘောကွင်းအပါအဝင် နောက်ထပ်အံ့ဩစရာများလည်း ရှိနေပါသေးသည်။ အံ့ဩစရာတိုင်းက အံ့ဩလောက်ပေသည်။
ရှေးက ယေရုရှလင်မြို့တွင် ရှောလမုန်မင်းကြီး နန်းစံစဉ် ရှေဘမိဘုရား သွားရောက်လည်ပတ်သောအခါ၌ ထိုကဲ့သို့ပင် တုံ့ပြန်ခဲ့သည်။ ရှောလမုန်မင်းကြီး၏ ပညာအလုံးစုံနှင့် သူတည်ဆောက်သောနန်းတော်ကို မြင်တွေ့ ရသည့်အခါ သူမအံ့ဩမိန်းမောခဲ့ရသည် (၃ရာ ၁၀:၄၅)။ ရာစုနှစ်များ ကုန်လွန်ခဲ့ပြီးနောက် ဒါဝိဒ်မင်းကြီး၏ တော်ဝင်မျိုးနွယ် သခင်ယေရှု ပေါ်ထွန်းခဲ့ပြီး အခြားတစ်နည်းတစ်လမ်းအားဖြင့် လူအပေါင်းတို့ကို အံ့အားသင့်စေပြန်သည်။ သူသွားလေရာရာ၌ သူ၏အံ့ဩဖွယ်ဉာဏ်ပညာနှင့်…